Ka Himnak Lungpi

Ka Himnak Lungpi
(Lyrics)
Key : E

[Verse 1]
Lawmh caan a um bang, Har caan um hmanh seh
Tuar zia ka thiam cang, Ka ṭhawn caan bang
Ka der caan zong ah ṭihnak um ti lo, Ṭhawnnak petu,
Ka Bawi Khrih thawngin, Zei paoh ka ton ngam
Nunzia ka thiam, Nunzia ka thiam cang.

[Pre-chorus]
Nitin in ka nunnak ah, Jesuh Khrih ka sin na um cun
Thil zei hmanh ka cung tlung seh, Phan ding um lo.

[Chorus]
Hnangamnak ka ngei, Lunglawmhnak ka ngei
Thiang Thlarau ka chung na um ca, Ka ralṭhatnak le ka ṭhawnnak
Jesuh Khrih na si, Harnak thlichia le sunghnak tilet nih
Ka pawngkam hninh dih hmanh seh, Fek tein ka dir lai
Jesuh ka himnak lungpi na si.

[Verse 2]
Vawlei pi nih keimah ka thim in, Thangṭhat ka pe hmanh seh
Kei nih cun vawlei hnuchit in Vailamtah ka thim
Ka hmailei ah harnak tam hmanh seh, Ka vailam i put in
Ka kir lai lo, Ka kir ti lai lo.

[Pre-chorus]
Nitin in ka lamthluan ah, Bawipa nang he kan kal cun
Thil zei hmanh ka cung tlung seh, Hmai ka nor lai.

[Pre-chorus]
Nitin in ka nunnak ah, Jesuh Khrih ka sin na um cun
Nitin in ka lamthluan ah, Bawipa nang he kan kal cun
Thil zei hmanh ka cung tlung seh, Phan ding um lo.