Jesuh He

Jesuh He
(Lyrics)
Key: F

[Verse 1]
Maw hawidawt
Zumhnak in Bawipa ram kan kar lio ah hin
Harnak le hneksaknak tampi kan ton a herh;

Minung fim
Nak thiamnak le hngalhnak le thawnnak nih hin
Bawipa timhpiakmi ram cu phak khawh a si lo

[Pre-Chorus]
Amah bochan buin kalmi hna le
Zumhnak nung a ngeimi hna lawng nih hin
Harnak le fahnak an ton tikah an i lek lo
Bawipa sinah thazaang thar an lak.

[Chorus]
Ka Bawipa timhpiakmi van suiinn dawh
Phak lai hngak hlangmi van inn nuam cu
Khamh ciami hna lennak hmun khi
Cu hmun ah ngeihchiat um ti lai lo
Fahnak le tahnak zong um ti lai lo
Lunglawm in khamhtu Bawi kan thangthat hna lai
Jesuh he zungzal in zungzal tiang kan leng lai.

[Verse 2]
Khrih rian thiang
Tuan tikah a zumh lei lawng hi si loin
A ca temh ingnak hmuh ding zong hi a tel chih;

Kan thazaang
Kan thawnnak kan hriamnam kan teinak hna hi
Bawipa pekmi Thiang Thlarau thawng lawng in a si lai.

[Verse 3]
Khi ram thiang
Ram nuam le ram dawhbik mi chungah cun
Bawipa thimmi fa le hna lawng an luh lai;

Pumsa duh
Nak le sualnak tuahmi an luh kho lai lo
Tufaa cauk chung min tial mi lawng an luh lai.