Jesuh Dawtnak Bantukin

Jesuh Dawtnak Bantukin
(Lyrics)
Key: D

[Verse 1]
Minung nih kan chimmi dawtnak cu
Thinlung chungin chuakmi mi si lo caah
Lenglei hmurkaa in chuakmi dawtnak men an si
Kan cungah tuah ve hna seh tiin
kan duh ca kan tuah mi a si bang
Cu dawtnak cu ruahchannak ngei mi dawtnak a si.

[Chorus]
Bawipa sinin a rami dawtnak cu
Ruahchannak ngeimi dawtnak si lo
Misual nang le kei kan caah
A nunnak hmanh pe siangtu Bawipa a si
Dawtnak lakah a tlingmi Jesuh dawtnak
Ngei in pakhat le khat i daw usih
Cu dawtnak cu ngei ve dingin
A nun in a kan hmuhsak;
Dawtnak lakah sang bik Jesuh dawtnak
Cu kan nunnak ah lang seh
Midang duhnak kha
Hmu thiam mi si tu i zuam hna usih.

[Verse 2]
Minung sinak nih ngeih mi ziaza
Le kan lungpit tha lomi vialte hi
bawipa nih si ter a kan duh mi an si lo
Lenglei zohnak ah a dawh ngai i
Chunglei in fihnungnak in khatmi thlanlung
Bantuk si lo dingin Jesuh nih a kan cawnpiak.

[Verse 3]
A hmun zungzal mi thil pathum a um
Cu hna cu zumhnak le ruahchannak
Le dawtnak a si tiin ca thiang nih a ti;
Cu hna lakah a ngan bikmi cu
Dawtnak kha a si a ti bangin
Dawtnak lawng hi kan leiba si dingin
Ca thiang nih a ti.