Holh Chuah An Hmang

Holh Chuah An Hmang
(Lyrics)
Key: G

[Verse 1]
Ka lungretheih le vansan caan
Ah zeizong tuah khotu Jesuh Khrih fuh loin
Ka minung hawi ka fuh theu hna
Sihmanhsehlaw ka thilrit chawng
Khotu ding a ho hmanh ka hmu hna lo.

[Pre-Chorus]
Hi vawilei cung i u le nau, dawtu kan ti mi cu
Bawm khawh caan hmanh ah
Holh chuah an hmang than tawn.

[Chorus]
Bawmtu an si kan ti mi hmanh
lung retheih petu an cang tawn
Sihmanhsehlaw Jesuh Khrih dawtnak cu
A lak tein dawtu a si
kan thilrit chawngtu Bawi a si
kan harsatnak a kan hrawmpi tu Bawi a si.

[Verse 2]
Zawtfah le dam lo caan zongah
Damter kho tu Bawi Jesuh Khrih tu fuh loin
Hi vawlei siibawi tha hna le
Siizung thatha ka fuh ton hna
Hmanhsehlaw damnak tling ka hmu kho lo.

[Verse 3]
Ka mitthli a luan caan ah le
Ka thinlung kuai caan ah Jesuh Khrih fuh loin
Rual le chan le hawikom unau
Hna tu kha ka fuh panh tawn hna
Hmanhseh thinlung hnemkhotu an um lo.

[Verse 4]
Lei le rai he ka um caan le
Sunghzatlak caan ah Jesuh Khrih tu fuh loin
Lei ah mirum le mi lianngan
Tu kha fuh in ka panh tawn hna
Hmanhseh a ka bawm khotu an um lo.