Dawtu Dawtnak
Dawtu Dawtnak
(Lyrics)
Key: E
[Verse 1]
Hi tluk dawtnak a lianngan mi
Hi tluk dawtnak a sunglawi mi
Nunnak le pumpek tiangin dawnak
Ni bang ka chunhnu ruangmang hnu
Ka theih hi cu a poituk ee
Dawtmi tampi nih khi dawtnak
Hi theih ve hna seh kaa duh ee.
[Chorus]
Maw ninu, Gibeon tlang ah dir rih ko mu
Maw thlapa, Aijalon ah dir rih hram ko mu
Ka siaherh mi le an tam tung
A chim a rel le ka thiam lo
Ka nun tal in dawtu dawtnak
Hi langhter ning ti kaa duh ee.
[Verse 2]
Nikhat hnu nikhat in vawlei
Sual tilet nih a thang chin i
Dawtu dawtnak theih manh lo tein
Sual tilet nih a kalpi hna
Zeiti tuah awk le ka hngalh lo
Maw Thlarau Thiang kan zaangfah law
Na dawtnak theihter hram hna mu.
[Verse 3]
Hlen hmang vawlei aa rat hlan i
Thihnak zalam thluan a zulmi
Hna caah thehte tha ka si kho lo
A chim a rel thiam loin cun
Mi nun a thleng kho lo ka hngalh
Nun le ka chambau tuk tung i
Ka thinlung hi a kuai man dih.
[Verse 4]
Keimah cu keimah ta ka si
Lo ti ka pemh i ka fian hnu
Keimah duh ning bang si ti loin
Dawtu bawi le a ram caah
Ka si khawhtawk nun ka pek cang
Langak te hmanh hmangtu nih cun
A ka hlawsiang lai lo ka hngalh.