Cungnung Bik Pathian

Cungnung Bik Pathian
(Lyrics)
Key: Ab

[Verse 1]
Bawipa thangthat in hla ka sa lai
Ka aw ngeihchun dihlakin
Bawipa na thatnak hi ka chim lai
Lawm caan ngaihchiat caan zongah;
Vawlei ah tihnung ral chuak hmanhseh
Van Arfi le Thlapa rawk hmanhseh
Bawipa bia cu hnangam lungdaihnak
Ka himnak a si.

[Chorus]
Cungnung Bik Pathian
Siangpahrang vialte uktu Bawi na si
Nangmah bang Pathian dang an um lo
Lianngan Bik Pathian
Sermi vialte nih na min an thangthat
Sunparnak upatnak vialte cu nang ca siseh.

[Verse 2]
Bawipa na min thiang ka thangthat lai
Ka nunnak a dongh tiangin
Bawipa zumhawktlak na sinak cu
Chan vialte tiangin a hmun;
Hmuh khawh lo mithil tihnung vialte
Thihnak le zawtnak phun tlung hmanhseh
Bawipa cu a ka hupphengtu le
Chanhchuahtu a si.

[Bridge]
Van le vawlei zeizong vialte
Na sermi thil hna nih
Zeitluk khuaruahhar Lianngan Bik
Na sinak an langhter
Ka ruahchannak hrampi
Ka himnak lungpi cu
A zungzal in Bawipa
Nangmah lawng na si.