Chungkhar Vanram

Chungkhar Vanram
(Lyrics)
Key: G

[Verse 1]
Chungkhar lungkhat te i khuasak
Rualrem te i len ti hna hi
Sui le ngun hlawn vialte nakin a sung deuh
Vawlei kan nun chung caan tawi te
Hmanzia thiam mi inn chungkhar cu
Kan tum vanram nun cu vawlei ah an tep.

[Chorus]
Chungkhar vanram ser hna usih
A chungah dawtnak leng seh
Mit hmai panh le hmur kaa tha in
Khat le khat kan i chawn hna lai
Dawtnak le remnak in sak mi
Ruun inn cu zei nih tluk kho lo
Inn chungkhar vawlei cu Vanram ah a cang.

[Ending]
Dawtnak le remnak in sermi
Ruun inn cu zei nih tluk kho lo
Innchungkhar vanram kan ser cang hna lai.

[Verse 2]
Zawtfahnak kan ton caan hna le
Lungdong in kan um caan hna khin
Siaherh zawn ruanak lung put he i hnem hi
Sii le ai nakin a tha deuh
Thinlung chungril tiang a dam ter
Dawtnak tel lo nun cu, zei san a tlai lo.

[Verse 3]
Inn chungkhar ah ngaihchiat caan le
Khat le khat hmuh thiam lo caan ah
Lungsau thin fual toi dornak nun ngei in
Ngaithiamtu si kan i zuam lai
Mi palhnak i cinken loin
Khrih lungput ngei mi chungkhar si hna usih.

[Verse 4]
Vawlei cung thli chia le ti let
Lak i kan i dor nak ruun inn
Fur ruah le thaal nilin lak a kan phentu
Zing le zaantha duhdim tein
Chuan rawl kan dum tinak ruun inn
Kutsak mi lei inn hi vanram ah cang seh.