Bethlehem Par

Bethlehem Par
(Lyrics)
Key: E

[Verse 1]
Jerusalem lungrawn le maw sunpar do thiang sang chuah takin
Leinun cawngin Bethlehem lungrawn khua le maw
Caw ruun panhin nauta chia hrin fa bang nihin a chuak an ti
Eden par a uai cia a corh than ee an ti.

[Chorus]
Kan tlanhti ee kan lawmh ti lai van pangpar dawh khun cu
Zuunngeih hnemrang puan luhkhuh zong hong cang usih
Van le vawlei ral a cang cia remnak van Bawi fa sung khun cu
Mikip nun ah lawmhnak par he hung kan leng law.

[Verse 2]
Rizung a liam sempi unau nihin cu ee mitthlam an cuang
Chungkhar tlingin Bethlehem par kan tlanh lio kha
Thenkhat cu ee ram lian tlawnh in lennak hmun le hma dan ruangah
Bau ai cang hna ni sunglawi ah kan tling ti lo.

[Verse 3]
Cung van a chuak deirel arfi mifim pathu hna hruaitu aw
Tluangdang a leng sempi u le nau dawtmi hna
Bethlehem lungrawn khua le maw mangbawi semnak cawinn ah ee
Kan hruai cio law thlarau mit in hmu kho dingin.

[Verse 4]
Vanmi an zai cungchin van ah Pathian thangthat in um ko seh
A dawtmi hna lennak lei ah rem leng cang seh
Kan lai lungrawn khuazung kipah dawtnak le remnak leng cang seh
Mangbawi Jesuh pekmi dawtnak par tlan hnu cun.