Bethlehem Par

Bethlehem Par
(Lyrics)
Key: B

[Verse 1]
Lawmhnak darkhing aw ka theih
Vanlei niceu dawh a tlang cang
Bethlehem lungrawn caw inn chungah
Van Bawi a chuak cang;
Ngaihchiat le lung a kuaimi
Ca’h lunglawmhnak thawngtha a si
Hallelujah ti’n lawmin lam usih
Kan ca luatnak darkhing aw a si.

[Chorus]
Aw.. Merry Christmas ni ceu dawh te
Kan ca’h thluachuah phortu ni sunglawi
A rawk a man ciami thil hlun a damtertu
Bethlehem Par rim hmui duh nung
Nihin a par cang.

[Verse 2]
Kan Pathian thinlung kutka
Eden ah kharkhan cia mi kha
Awnnak tawfung cu Belthlehem
Ah pek than kan si;
Lei le van remnak Bawipa
Kan tlangbawi lianngan zong a si
Hallelujah ti’n lawm in thangthat sih
Thawng vialte lak thawngtha bik a si.

[Verse 3]
Nu ngei lo caah nu can
Pa ngei lo caah pa can le
U le nau ngei lomi caah
U le nau can si;
Sifah le santlai lomi
Tangchiah mi hna hawikom tha
Hallelujah ti’n hlorh cio hna usih
Kan ca’h mi khamhtu Messiah cu.