Bawipa Nih Thlendan cu A duh Lo

Bawipa Nih Thlendan cu A duh Lo
(Lyrics)
Key: D

[Verse 1]
Zei ruangah hen Pathian muisam ken in
Sermi minung lakah
Thledannak le huatnak a tam hnga?
Kan chuak kehnak phunghram hna le
Fimnak, thiamnak, rumnak nih maw
Porhlawtnak le ruamkainak a chuahter?
Jesuh dawtnak tel lo nak hmun le caanah cun
Thinlung faknak a tam tawn.

[Chorus]
Sihmanhseh Bawipa nih thledan cu a duh lo
Vawlei mi vialte a tluk in a kan dawt
Sifak santlai lo le hawi tluk lomi hna zong
Khirh he hawitluk tein a kan dawt cio ee.

[Verse 2]
Zei ruang ah hen Pathian thlauchuahmi
An thaazang hna hmang thiam loin
Midermi va teinak ah an hman?
Mirum hna nih an ngeichiah cu
sifak bawmhnak ca silo in
misifak mithlendannak ah a cang
An fimnak cu mihrut fimchimnak si loin
Mihrut nehsawhnak an hman.

[Bridge]
Khirh nih a kan tlanhnak Vailam tangah cun
Miphun thlendannak a um ti lo kan ram ah
Thisen cawkmi Pathian fa lawng te kan si;
Khirh nih a kan thlanhnak Vailam tang ah cun
Miphun thlendannak a um ti lo hi lei ah
Thisen cawkmi Pathian fa lawng te kan si
Thisen cawkmi Pathian fa lawng te kan si.