Bawipa Lawmhter Ko Usih
Bawipa Lawmhter Ko Usih
(Lyrics)
Key: Db
[Verse 1]
Van le vawlei le zeizongte kip hi
A sertu kan Pathian nih a kut chungah an um
Thli le vanruah hang hna zong amah kut chungah a um
Amah a lawmhtertu miphun hna i sinah
Thlifim le vanruah hang a sur i a hran
Tertu Bawi a si Bawipa lawmhter ko usih.
[Chorus]
Innchungkhar damtertu le khrihfabu damtertu zong
A nung Pathian a si chunglei le lenglei ral
A kan teipiaktu zong kan Pathian a si
Cu a si caah Baiwpa lawmhter ko usih.
[Verse 2]
Bawipa ai lawmh cun kan ral tihnung zong
A kan dohpiak i teinak cu kan hmuh hrimhrim lai
Kan ei le kan din mi le kan tuah i kan tuan mi nih
Bawipa a lawmhter maw? Bawipa ngahihchiat ter dah
Zoh in ruat than usih maw zumtu unau thlazam cam buin
Bawipa lawmhter ko usih.
[Verse 3]
Chungkhar ah van nun a hmangtu hna khi
Sui le ngun le chaw le va ngeimi an si hlei lo
Bawipa lawmhtertu an si dawtnak in rummi an si
Siknak le maw velhnak tahnak le maw mitthli
Nih an innchungkhar ah hmun a tling ve lo
Dawtnak in an rum Bawipa lawmhter ko usih.
[Verse 4]
Mithum khotu le a cawisang khotu
Zong hi a nung kan Pathian Jesuh Khrih a si
Ramcar a partertu le a hlorh khotu zong a si
nebuchadnezzar thumtu zong Bawipa a si
David Siangpahrang ah a hlorhtu zong kha
Kan Pathian a si Bawipa lawmhter ko usih.