Bawipa Cu

Bawipa Cu
(Lyrics)
Key: C

[Verse 1]
Chun zaan in a kan kilven
Zaan khuamawt thladai tangah a kan thlim
Mitkuh thaw chialmal in
Zingtian khuamawt ah a kan hloh
Thlapa, Arfi hna nih
Nithla kum le khua caan an rel
Sermi thil vialte nih
Bawipa cu an thangthat.

[Chorus]
A venmi a lo chung i
A dawtmi tuurun kan si
Kan herh tawk in ti le rawl a kan pek
Niceu dawh le zilthli thiang
Nunnak thaw a kan petu
Zaangfahnak ruangah a si
Kan dawttuk ee ka Bawipa.

[Verse 2]
Thlaikheu le rawlkung ca
Van in dapti a tlakter a caante ah
Hnipuan, fenhaih hna le
Kan ei kan din ding kongah thin a phang lo
Lungsi tein kan leng
Co tawkah kan i lawm hna a ngam
Chambaumi kan ngei lo
Khrih ah zeizong kan ngei.

[Verse 3]
A dawtmi kan caah cun
Uimi le sian lomi zeihmanh a ngei lo
Thihnak nunnak kongah
Lei le van i nawlngeitu Pa kan ngei
Tih hlah uh a kan ti
Jeovah Nissi kan teinak
Ami hna kan zam lai lo
Pathian kan sin a um.