An Dawtu Fa Dawt

An Dawtu Fa Dawt
(Lyrics)
Key: Eb

[Verse 1]
Ka Bawi na dawtnak thuh le sanzia
Ka theih i ka fian caan a sau ko
Siseh na duh ningin
Nun kharhlan zia le ka thiam tung lo
Dawtu na sunparnak langhter in
Nung kho ning ka duh tuk.

[Chorus]
Na dawtnak pemhtu lawng si loin
An dawtu fa le zumh a tlakmi
Fadawt si ka duh ee
Cu ruangah cun ka si khawh tawkin
Ka pum ka hrem i ka uk nain
Ka tei kho hrim lo ee.

[Verse 2]
Ka Bawi na caah zumh na tlak zia
Ka theih i ka fian caan a sau ko
Sihmanhsehlaw kei cu
Na caah zumhtlak in ka nung kho lo
Zumh ka tlak lo zia ka ruah tikah
Lungkuai in ka tap ee.

[Verse 3]
Ka Bawi ka caah duh na nunzia
Ka theih i ka fian caan a sau ko
Sihmanhsehlaw kei bel
Duh ka nung kho hrimhrim lo ka hngalh
Midang caah ka thlum al kho lo
Ka chambau tuk hringhran.

[Verse 4]
Ka Bawi ka caah na thiamhlim zia
Ka theih i ka fian caan a sau ko
Sihmanhsehlaw kei cu
Ka thurhnawm tuk ee ka Bawi Jesuh
Ka pemh i nun dawh ka ngei kho lo
Ka bawm hram mu Bawipa.