A Sungmi December Ah

A Sungmi December Ah
(Lyrics)
Key: D

[Verse 1]
Kum le caan hna nih an liam than i
A sungmi December kan phan than
Liam caan le sining ruah zawnah lung a leng ee
Hawikom dawt hna he biakruun thiangah
Cung zingnu thangthat hlasa tiin
Vanbawi chuahcam kan rak lawmh tawn kha
A tu cu rual hawi kan tling ti lo.

[Chorus]
King riangmang cang lai lungrawn le
Biakruun thiang zong
Israel mi hna Zion ngai in an tah kan hluan ee
Rai le ral ruangah hawidawt tampi
Nih rizung mual an kan liamtak i
Atu cu rual hawi kan tling ti lo
A sungmi December ah.

[Verse 2]
Seino rual hna nih zandai tang ah
A sung mi December cu lawm in
Meiphu kam ah zaihla sung he an rak lawmh tawn
Zaantim hnu tiang caroling vakin
Merry Christmas to You all tiin
Khamhtu chuahnak thawngtha phuan thawng kha
A tu cu rial ti bang a dai ee.

[Verse 3]
Van Bawi chuahcam tuak kan phak zawnah
Chungtling tein chuanrawl dum ti le
Pumpit thiang serin khamhbawi dawtnak kan chim ti tawn
A tu cu hawidawt tampi hna le
Tukhal tha tampi zong an liam cang
Nan zuun tuarin mitthli a zuur ee
Chungkhar le pulpit ah nan bau ai cang.

[Verse 4]
Immanuel Pathian kan leng law
Kan zuuntuar puanlu kan hun piak ko
Daihnak Bawi le remnak Siangpahrang kan in hlam ee
Khuaruahhar, fimchimtu a thawngmi
Siangpahrang na sinak langhter in
Hnangam le daihnak run kan pe ko
A sungmi December ah.