A Lianngan Bawipa

A Lianngan Bawipa
(Lyrics)
Key: F#

[Verse 1]
Zing nuceu dawh a hung chuak fiang ririai tein
Par dawh phuntling nih mi lung an hlau
Sermi thil zeizong te niceu dawh sinah
Zaangthar la in nun an peh cio hna.

[Verse 2]
Nikhat hnu nikhat liam in, caan sining chungah
Vanrauh haang thlifim le niceu dawh
Kan nunnak ca’h thluachuah zaaphur tu an si
Zeitluk in a lianngan Pathian vel.

[Chorus]
A lianngan Bawipa na dawtnak kan nunnak ca a zaa
Nitin hnipuan fenheih, ti le rawl ca chanbau in kan um bal lo
A lianngan Bawipa na dawtnak, kan nunnak ca tamtuk
Van le lei kar um, zeizong vialte hi, kan nunnak ca an si
Lei kho thing ramchuak tirawl hmanh nih
Na thluachuah phuntling in, nitin na ka pek ka rel cawk lo.

[Verse 3]
Zaanlei ni nih hung liam in, maw chialmal tein
Zeizong thil vialte dai zirziar in, zaanthla le arfi taang
Dai tein an um, sertu Pathian kutzung iang an si.

[Verse 4]
Zaankhua mawt in tintling cung, khua zaa ka ruat tawn
Chun nitlak chung ka keephau kip ah,
Lunglawm le ṭhanuam in, caan ṭha ka hman hna
Kaa tuukhal ṭha Bawipa na ka hruai.