Mother’s Day
(Lyrics)
Key: G
[Verse 1]
Thisen thawnin i hring zo hnuk
Hnawiti thlum thawn i cawm
Zaihla sain na tang sungah
I bawmhter hnangam te’n
Fimthiamnak thawn aan tha i zirh
Cahnak thawn lam i hruai
Ka sual ka palh lai caan hmanh ah
Thinsau te’n i ngaithiam.
[Chorus]
Aw.. ka ngai ka nu i duhdawtnak
Taangnem sung ka um lai caan
Ka mitthli tlak ka riahsia
Beidong caan hman ah
Na thin nau hlah ka fahniang tiin
Aanka nem thawn i hnem theutu ka nu
na duhdawtnak hngilh ni a um lo ding.
[Verse 2]
Fahniang duh nih tha hnem ngaiin
Nuih hna a bawm hman ah
Nau hniang bang ding le thlanhri pawt
Ding cu a ngai ngam lo
Ka fahniang aw tuan duh hlah law
Na nu ka dam lai na ti
Fimthiamnak thawn na hrang par tha
Si ding in duhsak.
[Verse 3]
Na duh fahniang mualpho ding le
Ningzah na siang lo ruangah
Ka pi ka pu ro sunglawi hman ui lo tein
Na thitha nih a celh lo nan
Duhdawtnak thawn an tuar
Na fa le pawl fimthiamnak thawn
Ro sunglawi in pe.
[Verse 4]
Na fa le pawl kan sual ruangah
Kan hrangah ai awh in
Mitthli tlak in cung Pathian hnen
Thlaza in camsak theu
Kumkhua nunnak lamzin in hmuh
Duhdawtnak thawn i hruai
Na duhdawtnak ka theihthiam lo
I ngaithiam aw ka nu.
