Fimnak
(Lyrics)
Key: F
[Verse 1]
Kan lairam ah sui le ngun lungvar
Zeihmanh chuak hlah hmanhsehlaw
Sui le ngun nak kan zoh thlami cu
Hrin semmawng fa le hna nan si
Hmailei ah kan ram sersiamtu ah
Zoh thlami cu nang na si
Na cawn ee fimnak capar sangah
Lungthul loin tei rial u law.
[Chorus]
Fimnak cu a ngeitu caah
Lungvar mansung bantuk a si
Fimnak sui um cu ho hmanh nih
An fir kho ti lo
Cu ca seino aw na cawnmi fimnak hi
Sangchin in cawi i zuam law
Ph.D par tlaan in
Kan ram ah kan dir pi law.
[Verse 2]
Hringtu sunghno nu le pa hna nih
Hna bei dongin khua an ruat
A donghnak ah an ruahchan mi cu
Hrin semmawng fa le hna nan si
Fa le fimnak caah cun tiin
Ngeihchun satil hna zuar le
Thingphawr lothlawh tu in tei an ma
Fa hniang fimnak ca’h cun tiin.
[Verse 3]
Hmailei caah khuaza a ruat kho
Fanu fapa hna nih cun
Nu le pa nih ram dang kal an fial
Zongah ka nu le ka pa aw
Ram dangah kal ka fial rih hlah u
Fimnak ah kan bau tuk rih
Kan miphun le ram ṭhanchonak ca
B.A. ka awng ta lai an ti.
