Lungdong Hrim Hlah Uh

Lungdong Hrim Hlah Uh
(Lyrics)
Key: Eb

[Verse 1]
Myanmar ram cu
Thlachiat ruat lo ralkap nih
An mah Bawi nak ding ca’h
Hramhram in uknak cu an lak
A chiakha bik le tihnung dir hmun
Ah a kan phakpi cang lai
Lung a kuai thin a lin ee
Bawipa kan chanchuah ko cang.

[Chorus]
Niceu thar te nih a kan hngah cang ee
Khua a deideng mangcang
Lunglawmhnak nithar tlang ve cang lai
Zungzal in hman awk a tha mi
Uktu, phunghram tha kan hmai te ah
A um caah lungdong hrim hlah uh.

[Verse 2]
Tang ko rih uh
Ram le miphun dawtu vialte
Chunzaan it loin do thlennak ca’h
Nan nunnak le nan pe
Nan thlacamnak le nan chawva hna hi
Ralkap chia lohtlaunak le
Ram dawtu ralkap tha hmuh
Thannak ca’h a si te lai.

[Verse 3]
Kan ram uknak
That lo a dih i uknak tha
A chuak kho nak hnga
American le UNO nih kan dirpi maw
Asian pa lai thar cheukhat nih thinlung
Tak in tuan timh ve hna ee
Maw Bawipa an khuakhannak
Cungah thluachuah pe hram ko.

[Verse 3]
Tuksaphur in
Ram dawtu le lengval tha hna
Thisen a luang ee ram dam duh ruangah
Nu le Pa chungkhar kaltak in
Thihnak tu nan thim nan thisen man hi
A lak si hrimhrim lai lo
Nikhat khat ahcun teinak
Alan kan thlai te ko lai.