Inn Lawi Caan

Inn Lawi Caan
(Lyrics)
Key: E

[Verse 1]
Ka tar tikah tuni bang hin
Ka reikiang ah kan hmuh te hnga maw?
Ti ka ruah buin zalawng in hla kan sa
Kan riah inn he a hlatnak hmunah
Cung nikaa aa dinh tiang in kan leng
Kan i ngaih khun mi zarhdong te cu
A liam riangmang ai cang..

[Chorus]
Motor thlalang awng cungah
Na ke kha chuang
Na sam thlah law duhmi hla in
A tangmi caan hmang
Taksa celh lo tiang kan vak
Ṭian siang rih lo buin
Innlawi caan kan phan
Kan vawlei pi a hel lengmang
Innlei lawi caan nih a kan phak..

[Verse 2]
Nihin cu a tawi khun in ka theih
Tuzaan cu sau lakin ka ruat lai
Na nih thawng hnathlam hna nih an ka thlim lai
Kan cung i aa vuanmi khuadawm le
Palh thiam lomi na mithmai dawhte
Hngol thiam loin ka ruat ṭhan te lai
Kan i ton ṭhan hlan cu..

[Verse 3]
Caan cu kan sian lomi thil
Hmanhseh kan ngeihmi thil si lo
Cung nikaa cu a liam nain kanmah kan tang
Caan nih thing cung thei a ngan bal lo
Kan nih zong a kan ṭhen zau ve lai
Hmanhseh hmaizarh lei nithar ah khin
A kan tonter ṭhan lai..