Dawtnak le Remnak A Um Ti Lo

Dawtnak le Remnak A Um Ti Lo
(Lyrics)
Key: G

[Verse 1]
Maw ral vengtu Bawipa
Vawlei kan nun caan hi
Zetik ah dah a dih te lai
Ralring tein um u
Khua kha zoh zia thiam uh
Ni le thla rel thiam uh
Vawlei hi hman zia thiam u sih.

[Chorus]
Jesuh Khrih bia bangin
Theipi hnah zong a colh
Sualnak zong a karh i
Zawtnak phung a tam
ram khat le ram khat zong
Remnak a leng ti lo
Chungkhar u le nau hmanh
Dawtnak le rem nak um ti lo.

[Verse 2]
Noah chan minung le
Lot chan minung bang in
Sualnak phunzakip a karh cang
Nu le nu an sual i
Pa le pa an sual cang
Saram nun kan ngei cang
Jesuh chim mi biakam a tling.

[Verse 3]
Nichuah le nitlak lei
Thawngpang kan theih mi zong
Kan caah thawngtha um ti lo
Thihnak thawng kan theih i
Tahnak thawng lawng a thang
Kan vawlei pumpi hi
Hrum-ainak aw thawngin a khat.

[Verse 4]
Sodom le Gomorrah
Sualnak in a khah caah
Van lei kat mei alh a sur tar
Lot le a chungkhar hna
Babylon hlawhhlannak
Ram cu chuah tak cang uh
Thlarau hna ngei mi nih thei uh.