A Ziam Lo
(Lyrics)
Key: D
[Verse 1]
Lunglawmhtertu an um bang khin
Lungkhuaitu zong an um lai
A si a hman ka theihthiam ko
Na lung cu a man na celh hrim lo..
[Verse 2]
Lunglawmh caan a um bang khin
Ngaihchiat caan zong a um lai
A si a hman na tuar kho lo
Sihmanhsehlaw ing ko a liam zau lai..
[Pre-Chorus]
Lungzor tuk khin um hrim hlah
Na caan ṭha lam kha a lak an liam
Cathiang kha i lak law rel
Thlacamnak tuin na caan hmang..
[Chorus]
An khuaitu sin khan i lawm ko law
An khoi lo cun zeitin lungfah na hngalh lai
Kan nun ah kan ton a ṭha a chia
Kan ca’h fim chimtu an si
Thlapa cu chun cun a sunglawi lo
Zaan khuamui bel cun aa dawhnak a langh khun
Ngaihchiatnak um ca’h lunglamhnak a sung
Lawizia zong kha a langhter..
Kan tonmi ngaihchiatnak nih
Kan nunnak cu hrawk hmanhseh
Pathian nih a kan dawt ko
Na thinlung a kuai ruangah
Na dawhnak le na mansung
An ziam lo kan par chin lai..
[Verse 3]
Lunglawmhtertu cu tam hmanhseh
Lungkhuaitertu tlawmte ruangah
Kan tap ka kuai kan celh hrim lo
Zeitin tuah awk le kan hngalh fawn lo..
