Leiba Vialte Ngaihthiam Caan A Si Cang
(Lyrics)
Key: Db
[Verse 1]
Pathian thimmi Isarel miphun cu
Sal cannak in an rak luatnak Jubilee
Lawmh bia chimin Jubilee phunphun an tuah tawn;
Biakam thar Khrihfabu kan chan ah
A luat cangmi miphun kan si nak cu
Jesuh Khrih nih vailam tahnak cungin
Sal kan si nakin a kan luatter..
[Chorus]
Dawtnak ram ah pakhat le khat
Rualrem tein kan leng cang lai
Jesuh Khrih dawtnak par kan tlan lai ee
A rem lomi i rem caan a si
Leiba vialte ngaihthiam caan a si
Jesuh Khrih thawngin a luatmi fa kan si ee..
[Verse 2]
Jerikoh lungrual a rak cimhnak cu
Tukawng ki kha voi sarih tiangin tum uh
Voi sarih tiangin nan hel lai tiah a ti hna;
Voi sarih tiangin an hel hnu ah
Tukawngki an tum lungrual pi a cim
Pathian biakam cu kan ca ral teinak
Zumtu nang le kei kan hriam a si..
[Verse 3]
Pathian Thiang Thlarau kan chung a um cun
Satan ṭemtonnak vialte cu a tei khawh
Nekneih, nahchuah, ziarngeihnak lungput a tei khawh;
Cu Thiang Thlarau cu a cawngcang i
Kan mah duhning paoh in si ti loin
Thiang Thlarau nih kan pum hi a hman bang
Nuam saimai tein kan lam tawn ee..
[Verse 4]
Galati peng chung Khrihfabu sinah
Pual nih hiti hin cathiang a kuat hna
Chiatserh mi nawlbia chungin miluat kan si cang;
Sal ah khan kir ṭhan hrimhrim hlah uh
Jesuh nih vailam ah a tei cang
Zumhnak thawngin a luatmi kan si
Sual ṭemṭawnnak in kan luat cang ee..
