Na Sunparnak Ding Caah
(Lyrics)
Key: B
[Verse 1]
Sui le ngun in si lo chaw le va zong in si lo
A thisen sung in cawk le tlenhtu Jesuh ta ka si cang
Ka nun hi keimah ta ka si ti lo ka hngalh cang
Cuca’h ka duh ning in nun hi cu ka ca rem ti lo..
[Chorus]
A ka ngeitu caah le a ka cawtu i caah
ka zeizong ka hman lai a sunparnak ding caah
Vawlei a si bang in tukforhnak cu tam hmanhseh
Ka dawt bikmi Jesuh Khrih he cun ṭhen kho tu an um lo..
[Verse 2]
Ka taksa nun nih cun sualnak par a mit a chinh
hi lio caan ah ka thlarau nun cu mitthli he a ṭap ee
taksa duhnak si lo thlarau duh ning tu zul in
Ka titsa nun cu ka hrem theo tawn a sunparnak caah..
[Verse 3]
Aw a har hringhran tak, ka thinlung sual khualipi
Jeriko hi tei a har tuk ee, mitthli he ka ṭap tawn
Sual kip tuhtu khuapi, nuamhnak tuhtu khualipi
Ral kap buu Bawipa Joshua Khrih aw ka tei piak hram ko mu..
[Verse 4]
Ka hmurka ah vengtu Vanmi Thiang ka chiah piak law
Ka mit zohnak zong ah hin congtu na ralkap ka chiah piak
Ka pum hi na thlarau biakinn thiang a si bang in
Van mui sam le na duh nunnak in ka thuam hram ko Bawipa..
