Jesuh Sin Ra Mi Lawmhnak Lawng Nih
(Lyrics)
Key: F#
[Verse 1]
Minung nih kan duh i kan kawl tawnmi
Lei nuamnak le dawhnak kan timi hna nih
Chikhat cu nuamhnak cu an pek ve nain
Zungzal in hmunmi lawmhnak an pe kho lo
Cu caah lunglawmhnak tak kan timi cu
Bawipa Jesuh sin lawngah a um caah
Amah hal i a sin thlacam mi hna cu
Siang ngaiin a pek hna i lawmhnak in an khat.
[Chorus]
Lawmhnak le hnangamnak tak cu
Hmuh na duh i co ve na duh ahcun
Lawmhnak ngeitu Jesuh kha fuhpanh law
Chunglei in lawmhnak tak cu an pek lai
Amah sin in a rami lawmhnak lawng nih
Nun diriamnak le nun sullam ngeihter ca’h
Hawidawt cu lawmhnak cu co kho ve dingin
Jesuh Khrih nih a lakin a kan pek ee.
[Verse 2]
Kan hmuh i kan co mi lawmhnak hna hi
Bawipa sin in a ra mi lawmhnak si lo cun
Cu lawmhnak cu nunnak hmual ngeihnak um lo
Ngeihchiatnak le tahnak petu men lawng an si
Hmanhseh Jesuh sin in a ra mi lawmhnak cu
Chunglei nunin a ro cia dih mi hmanh kha
A sersiam i nunsuallam a ngeihter caah
Nunman ngei in le nun theitlaimi a siter.
[Verse 3]
Bawipa sin in a rami lawmhnak cu
Chungkhar ah dawtnak le remnak a chuahter
Khrihfabu le kan minung hawi cung zongah
Lungrualnak le remnak a chuahpitu a si
Bawipa sinin a ra mi lawmhnak nih cun
Kan khua kan ram le kan miphun ca zongah
Damnak petu le thluachuah phurtu a si caah
Bawipa sin ah sual chir in thlacam usih.