Mikip Nih An Thei Kho Lo
(Lyrics)
Key: A
[Verse 1]
Nikhua a ṭhat lio pi-ah
Vawlei rawhnak van biathli cu
Noah nih a thei lungrhinnak um loin
Kum za le kumkul chung a hngah.
[Verse 2]
U le nau nih an theih pi lo
Hawi le kawm nih an hngalh pi lo
Miphun nih an zumh pi lo cu biathli cu
Mihrut bang chunzaan in lawng a ser.
[Chorus]
Mikip nih an theih kho lo
Thiang Thlarau phuanmi biathli
U le nau, hawi le kawm hna zong nih
Cu biathli theihtu hna cu
An nun an tlai kho ti lo
Pathian bia nih an nun a uh hna.
[Verse 3]
Denial sinah van biathli cu
Phuan in a um cang hnu ahcun
Hua tu an doh kho lo Bawipa bia cu
Siangpahrang zong ai sum kho ti lo.
[Verse 4]
Chikhat cu a har tawn ko ee
Mit hmuh lo biathli kalpi hi
Thihnak tlak harnak tihhramnak kar lakin
Kal hmanhseh a sung bal lo Pathian.
[Verse 5]
Kan nun ah Bawipa biathli nih
Ralrinnak a kan pek zungzal
Daithlang in kan um ngam lo vawlei ah hin
Thanghnak ar khong akhuang zungzal ee.
[Verse 6]
Vawlei kan kaltak dengmang cang
Jesuh Khrih kan ton dengmang cang
Caan donghnak mu ko tumtu an dir cang i
Thlarau hna ngeimi nih kan theih lai.
