Thangthatnak In Lam Usih
(Lyrics)
Key: F
[Verse 1]
Kan ei, kan din, kan hmuh thluachuahnak hna hi
Bawipa kutchuak lo thil zei tal an um maw
An um maw an um maw ruah tuah hmanh;
Kan nunnak le kan thazaang le kan ruahnak
Kan thlarau le kan thaw kan zeizong te hi
Bawipa pek an si ee ka hngalh cang.
[Chorus]
Cu si caah hawidawt hna
Kan nunning le kan tuanbia
Bawipa ca hmang usih law a tu ah
Thangthatnak in lam usih
Lunglawmhnak in lam usih
Sunparnak, lianngannak na ta an si ee.
[Verse 2]
Bawipa dawtnak vel le a thatzia hna hi
Hmur le kaa le lei le dang nih a tlinh lo
A tlinh lo a tlinh lo a mak tuk ee;
Rili pi khi cahang hei si dih hna seh
Thinghnah vialte catalp hei si dih hna seh
A tlinh lo a tlinh lo a mak tuk ee.
[Verse 3]
Ka thinlung le ka ruahnak nih a phan lo
Bawipa dawtnak thuh le a sanzia hna hi
A phan lo a phan lo a dawtnak cu;
Chan vialte tiangin a hmun zungzalmi thil
Pathum lakah a sangbik le a tha bik
A sungbik mi cu dawtnak a si.
