Hodah Bochan Ding
(Lyrics)
Key: Eb
[Verse 1]
Rili hna ramri a kham i
Thlichia le tilet uktu
Vanruah le ti hna vialte
Cung i nawlngeitu cu
Khua thal ah ruah a surter
Fur caan ah khua a khenter
A dawt mifa hna kan caah
A tha in khua a khan tawn.
[Verse 2]
Zaan kan ih lio caan zongah
A kut orhlei nih a kan ven
Muihnak chungin a kan chuah
Ceunak ah a kan hruai
Chun le zaan ramri a kham i
An cungah nawlngeitu cu
Amah bochantu si ka duh
Ka nun lamhruaitu ah.
[Chorus]
Harnak tangah lungdongin
Kan thazaang der lio caan ah
Ruahchannak thar a kan pek
Zumhnak nungin kan mah ah
Jesuh cu kan tuukhal tha
Bik a kan vengtu
Harnak caan kipah
A kan bawmtu a si.
[Verse 3]
Bawipa cu a ngu bal lo
Ami Israel a huhphenhtu
Ralkap buu hna hotu cu
A kan vengtu a si
Chun niceu kan tih ti lo
Zaan thlapa zong kan tih lo
Kan luhlei le kan chuak lei
Amah nih a kan zohkhenh.
