Lam Thiam Ruangah Si Lo
(Lyrics)
Key: D
[Verse 1]
Caantawi vawlei kan hmancia mi khi cuanh than tikah
Mah le caantawk tein lawmhnak phunkip kan ton cio
Siseh cu hna lakah lunglawmhnak a sangbik cu
Pentecost e Thlarau Thianghlim kan co hi a si
Cu lawmhnak cu dai tein ṭhutpi khawh si lo ca’h
Hallelujah ti’n au buin kan lampi ve ee.
[Chorus]
Thloh le tlaih khawh phun a si lo cu lunglawmhnak cu
Sum in ṭhutpi khawh a si lo a tincotu cu
Soisel le maw thangchiat lai zong phan in tih um lo
Lam thiam ruangah si lo, Bawipa kan thangṭhat a si..
[Verse 2]
Alaam mi le a thangṭhattu hi tah tu kan ngei
An din hlei in, an fel hlei lo tiin kan phai hna
kan dinnak le kan felnak hi lampi tlak si lo
Hi tluk misual mi thurhnawm bik kan si ko buin
A kan cohlan i dawtnak in zaangfahtu Bawi hi
Thangṭhat lo le cawnglawmh loin kan um kho hrim lo..
[Verse 3]
Zinglei suimilam pakua(9) lawng a si ee a ti
Zuu kan ri lo tiin Peter nih cun a ti hna
Pentecost i Thlarau Thianghlim a cotu hna hi
Zuuri kan lo, sihmanhsehlaw zuu kan ri lo ee
Mihrut kan lo, sihmanhsehlaw kan hrut hrimhrim lo
Profet Joel chim chungbia kha tlintertu kan si..
[Verse 4]
Phang le ram car nilin lakah tuukhal pa David
Siangpahrang ee ṭhutdan cungah Bawipa nih a chiah
Maw ka nunnak Bawipa thangṭhat tiin a lam ee
Hitluk misual hriamnam tuarin a thi ding minung
Thihnak chungin a kan chuah i a van ṭhutdan ah
Siangpahrang fa ah chiahtu cu thangṭhat chin usih..
