Ngol Awk Tha Lo Mission Rian
(Lyrics)
Key: D
[Verse 1]
Mikip nih khamhnak thawngtha bia
An theih i an zumh khawh nakhnga
Vawlei khuaza ramkip ah
Kal in thawngtha phuang dingah
Nang le kei fial kan si;
Caan um lio kan chim lo si le
Caan um lio ah kan tuan lo cun
Hawi pakhat tel sawm loin
Jesuh kan tong ngam lai maw.
[Chorus]
Bawipa fialmi Mission rian
Rian tampi i din hmanh seh
Mission rian dinh awk tha lo
Ngol awk tha lo Mission rian
Kan thazaang chuah chin usih
Ramthar ca nan pek chawva
A lak an si hrim lai lo
Mission rian kan tuan mi te hi
Kan sui luchin ah cang te lai.
[Verse 2]
Muihnak chungah um mi thlarau
Saltaang mi an luat khawh nakhnga
Nang le kei tuanvo kan ngei
Ai din thiam ding kan si lo
Kan ba tuk ti hin hlah;
Mitthli he thlaici tuh mi nih
Lawmhnak faphal an zuun te lai
A nung Pathian bochan in
Mission rian kan ngol lai lo.
[Verse 3]
Bawipa fial Mission rian ah hin
Thawngtha phuan lawng rinh awk tha lo
Kan thlacamnak le chawva
Kan ti khawh tawk cio chuah in
Lungkhat in tan kan herh;
Thlarau rawltam tihal mi hna
Hawidawt nun hrawm ve hna usih
Jesuh cu Bawi a si tiah
An zumh an cohlan nakhnga.