Emmanuel
(Lyrics)
Key: C
[Verse 1]
Vawlei misual khamhtu ding ah naute a chuak cang
Prophet bia nih a rak chim chung mi kha
Hmelchunhnak in nu nih fapa a hrin lai i
A min ah Emmanuel sak a si lai
Zei ca tiah a mi hna kha
An sualnak chung in khamh hna lai.
[Chorus]
Khamhtu Messiah a chuak cang
Bawi thutdan cu kaltak in
Bethlehem caw inn ah
Toidornak he kan khamhtu Jesuh Khrih cu a chuak cang
Lunglawmhnak he Jesuh cu dong cio u sih
A kan khamhtu kan siangpahrang Bawi cu
Emmanuel, Pathian kan sin ah a um.
[Verse 2]
Judia ram ah um mi Bethlehem khua nang cu
Judia ram ah a hmebik na si nai sai lo
Nangmah chung in hruaitu pakhat a chuak lai i
Ka mi kha a hruai hna lai i
An sualnak chung in a khamhtu ding
Tukhal tha kha a si lai.
[Verse 3]
Kan hngahhlang mi Christmas caan sung kan phanh cun
Mi kip thinlung ah lawmhnak in a khat
Ring awn phuntling in thangthatnak hla dawh sa in
Khamhtu Jesuh chuah caan cu lawm cio hna
Hmunkip ah mei ceu dawh hna le
Par dawh tamh in dong cio hna mu.