Zaan Dai
(Lyrics)
Key: Ab
[Verse 1]
Van deirel arfi, kan kaltak hin hlah
Jesuh chuahnak kan phak hlan tiang
Kan hmai ah ceu law
Siangpahrang chuahnak kan phakter ti’n
Mifim hna i lamhruaitu cu
Zaan arfi ceu dawh te a si
A chuahnak cawkuang sihmanhseh
Van arfi nih an hngalh zaan-tim dai ah.
[Chorus]
Zaan dai, a thiangbik mi zaan
Kan ca thawngtha bik an phuannak zaan
Zaan dai, khuaruahhar bik zaan
Vancung mi nih hla an sa
Khamhtu a chuak cang
Ti’n Bawipa an thangthat zaan.
[Verse 2]
Tuukhal ruun rual hna, lung sivang ngai in
Khuaza ruat in an um lio ah
A dawtmi umnak
Vawlei ah hin daihnak um seh tiin
Tuukhal sinah khamh Bawi chuahnak
A thanhtu cu Vanmi an si
Nauta bik in hrin sihmanhseh
Tuukhal hna nih an hngalh zaan-tim dai ah.
[Verse 3]
A min ah uktu, zungzal hmunmi pa
A thawngmi Pathian daihnak Bawi
Misual a dawtu
A van sunparnak kha kaltak in
Vawlei cung misual khamh awkah
Bethlehem cawkuang cu aa thim
Kan Bawi Jesuh a chuahnak cu
Zeizong vialte a daih lio caan a si.