Miphun le Ram Dawt Ruangah
(Lyrics)
Key: A
[Verse 1]
Nihin kan ram that lo ruangah
Chunlai ah chunmui a tlung
Seino hna tho ulaw
Doral lian a tlung an ti
Nuamthlai mai kan len lio ah
Ngal zarual kah bang khin
Replo kan hriam te tlaih in
Tian zai kan rel
Kan ramte saltan rih lai sian lo ah
Nun kan pek.
[Chorus]
Teinak kan hmuh hlan chung cu
Nun kan pek rih lai tiin
Cung Pathian bawmh hal in
Chukcho kan hnol
Cu lio ah kan hawi cheukhat cu
Miphun le ram dawt ruangah
Hmuh lo zingrawn khua ah ee
Liamser cang hna
Sunghno nu zadomh tong loin
Saram bang kan thih a fah hi
Miphun le ram kan dawt ruangah si mu.
[Verse 2]
Ho replo chawlbuk tangah
Innrep tha ngei lo bang
Kan ram tha ser duh ah
Sahrang kah bang kah kan tong
Kan i ken mi din tikik te
Hmanh ding manh loin
Nai sai lo ee pasal kan ti lio caan khin
Sunghno nu chuanrawl te kha
Kan ngai riangmang ve ee.
[Verse 3]
Kan hawi ram tha mino bang
Fimthiam cawn kan duh nain
Kan mah bang kan nau le
Tuar than lai phan ruah ah
Kan ngaihchun nunnak pakhat te
Kan pek lio caan ah
Kan laimi cheukaht nih kan ram nan zuar
Mino tha tampi nunnak liam rih lai
Nan ruat kho maw?
