Bawipa Ka Zeizong Na Si
(Lyrics)
Key: C
[Verse 1]
Maw ka Bawipa na ka dawtnak ruah ah
Hmur le kaa in chim le phuan cawk lo tiang
Nifatin a thar zungzal ka nun ah
Inn le lo tha hni le puan le chawva
Ka herh phunkip na ka pek lawng si lo
Zungzal in a hmunmi ro na ka pek.
[Chorus]
Zumhtlak Pathian ka Bawipa Jesuh Khrih
Nangmah kan ngeih hnu ahcun
Duhtlin lonak ram ah leng ko hmanh ning law
Ka nunnak ah hnangam lawmhnak ka ngei
Thiang Thlarau in na ka hruai ti ka hngalh
Nangmah thawngin vawlei ah nunzia ka thiam.
[Verse 2]
Ka sining le ka dir hmunnak sangin
Na ka cawisan thluachuahnak na ka pek
Na ka dawt bang kei cu kan daw kho lo
Nangmah caah thathnemnak ngei dingin
Na tlinnak thuam na ka hrukter mi hi
Maw Bawipa na sunparnak ca siseh.
[Verse 3]
Ka tlin lonak nih tlamtling mi Bawipa
Nangmah kan herhnak kong cu an langhter
Na hmai ah ka thatnak chim ding um lo
Nangmah lawng hi ka tlamtling nak na si
Nangmah lawng hi ka hmai lei ruahchannak
Ka zeizong ka Bawipa nangmah si ko.
