Dinfelnak
(Lyrics)
Key: C
[Verse 1]
Hlan pipu dinfelnak ziam riangmang cang maw?
Tuchan kan sining ruah tikah
Hnahchuah entainak cu minmei bang an zaam
Kan ram khan Khrih Fabu chungah.
[Verse 2]
Kan ram ṭhancho ding cu kan duh dih nain
Dinfelnak nun kan ser kho lo
Kan Khrihfa Bu chungah rualremnak kan duh
Siseh biadik kan chim ti lo.
[Chorus]
Dinfelnak kan bau ee, biadik chim kan herh ee
Kan sining mertak in kan ram pardawh nak hnga
Zumtu nang le kei nih a rawkcia mi kan ziaza
A tharin remh cang usih/dinfelnak leng ve cang seh.
[Verse 3]
Buupi ṭhanchonak ah dinnak ngeih a herh
Fek tein i tlaih thlah sual hlah
Na kaa nih biadik kha chim zungzal sehlaw
Bawipa duhmi kha tuah zungzal.