Duhdawtnak Maksak
(Lyrics)
Key: E
[Verse 1]
Ka duhdawtmi Filemon
Na hrang rinum lo Onesimas
Hrangah ngaidamnak ka dilsak;
Sal dinhmun men lawng si loin
Unau dinhmun ah cohlang in
A hrangah an khamnak ka tuah sak.
[Chorus]
Khrih ih in tuahsak mi hi
Milai tuah theih si lo
Sual nei lo famkim mi
Sawihhnawm kai lo a si
Pai’ thinhengnak a dai zo
Sal dinhmun men si lo
A fa tiin in pawm ee
Duhdawtnak maksak
[Verse 2]
Dil saktu ih tuar ngamnak le
Rinsantlak mi diltui’ ruangah
Onesimas filemon hnen a kir;
A tuahmi ruangah tuar tlakmi
Misual camsiat dingmi a si
Dil saktu Khrih ruangah kan zalen.
[Verse 3]
Pa ih ngaidamnak saan zia hi
Vun ruat sin le a mak sinsin
Kan tuah ding zianghman in phut ve lo;
Kan sualnak cu Khrih ah a ret
Fapa neihsun thih tiang a tuar
Khrih zarah dinhmun sang kan nei zo.
