Nunchan Ngeimi Zumtu
(Lyrics)
Key: Eb
[Verse 1]
Nunnak kong hi ruah lo awk ṭha lo
Taklawng in chuakmi kan si nain
Lei ah kan hngalh lo kan herhmi thil
Bawipa tling tein na kan chiahpiak
Duh thim khawhnak zong na kan pek ca’h
Nangmah thimtlak nun kan ngeihter.
[Chorus]
Kan nunnak hi donghthiammi a si ca’h
Nunnak caan tawite kan ngeih lioah
Bawipa lawmhmi thil tuah cio usih
Zungzal in a hmunmi kutka bi chung
Luh ding kha kan i thim cio ahcun
Nunchan a ngeimi zumtu kan si.
[Verse 2]
Mirum, mi lianngan le mithawng hna
Minthang tampi zong hi vawlei ah
An nun rikhiahpiak mi an si ko
Sifak santlai lo kan timi he
Kan donghnak ding hmun cu aa khat ko
Cu ca’h phorhlawtpi ding um lo.
[Verse 3]
Thihnak in a thomi Jesuh Khrih
Zumhnak thawngin nunnak cauh chung
Min ṭial kan sinak kong hi ruat hmanh
Lei ah Khrih duhning nunzia dawh he
Zumhtlak in nungmi kan si lawngah
Kan nun man ngeimi a si lai.
