Bawipa Cu A Ka Vengtu A Si
(Lyrics)
Key: C
[Verse 1]
Vawlei chawva in a rummi tampi le
Mifim le mithiam zoh cho mi tampi lakah
Maw ka Bawipa;
Dawttlak lo na ka dawt i na ka cawi sang
Zeizong ngeitu Pathian nung nangmah zumhnak lung
Na ka pek hi a sung tuk ee.
[Chorus]
Bawipa ka ca na ṭhatnak hi ruah ahcun
Ka nunnak a liam mi na dawtnak tamzia
Ka rel cawk lo ee Bawipa kei misual
Na ka dawt hringhran;
Ka herhmi thil vialte kha na ka pek dih
Nangmah lawng hi ka cah a tlingmi khamhtu
Ka Bawi zumhtlak Pathian na si.
[Verse 2]
Hawi zoh hngar in nun caan a hmangmi hna le
Awklok chawng le lungrethei in a hrammi hna
Ka hmuh hna ah;
Zei ngei lo si ko hmanh ning law maw Bawipa
Ka nun ah na dawtnak an thar ṭhan ka hngalh
Cu caah cun ka lung ai lawm.
[Verse 3]
A thukbik muihnak hawrkuang tan hmanh ninglaw
A ka chanchuahtu le a ka hruaitu Bawipa
Nangmah na si;
Ka tei khawh lo mi tukforhnak phunkip in
Bawipa nih a ka kilven ko ti kha ka hngalh
Hnangam tein ka um zungzal.