Hram Len Tawn Hna Maw
(Lyrics)
Key: A
[Verse 1]
Zei hme kan ruah kan phun tling in tluangdang le ramdang ah
Kan ram har le ngunsawm kawl ruah ah maw
Semnak Lai lungrawn chuahtak in tluangdang kan hram riangmang
Maw ka hngahhlang nehbung khirh le khua chuah mual len ṭhan lai.
[Verse 2]
Nan lungzuur hlah uh leng le val Lairam ca’h fawh nan ṭuan
Retheih sifah le zawnzai kip tuar in
Cung ṭhu bawi le milian rual nih duhtawk in hnek hna maw
Tuar thiam a har sal si ṭung lo sal bang ṭuan le nun hi.
[Chorus]
Hram len tawn hna maw val ṭha rual cu
Hriamkip putin rian hrang an ṭuan zawn
Ruun hngak leng nu le semcawi hna zong nih
Hlam ve tawn hna lai zaanmang tiang mitthli he.
[Verse 3]
Philh um lai lo kan chan chungah Roling seh kan ṭuanbia
Sahngar kan ti palek miṭha rual nih
Nan ngeih chaw ngunsawm an lak le chuh nan ton caan zongah
Cung Pathian nih an hmuh ko hna lai a rel te ko lai.
[Verse 4]
Maw Lainu ṭha te’n ruat ve hmanh hlawh cia chaw na hman zawn
Na dawt, na kawp hnek lengmang aa ṭuan man
Duh in hmang lo in sem si khah lai na rel thiam ahcun
Philh um te lai ton than caan ah zaanmang bang kan ṭuanbia.
[Verse 5]
Rizung mual an liam kan chuahpi val ṭha kan sian lo hna
Ngakṭah fa bang lileng le tuar har in
Mui hmuh loin lei dai an ciam domh le tlaih zong tong lo
Fak khun ai lai sunghno nu le pa le thaisung nu ca.