Kan Ram Damter Sal Aw
(Lyrics)
Key: F#
[Verse 1]
Buainak thlisia a hrang ee
Kan ram siatnak a thleng ee
Natnak le thihnak a karh sin ee;
Ṭah le aihramnak in a khat
Kan lei hringnun hi
Thimkhawzing a tlung ee kan ram ah.
[Chorus]
Maw Bawipa na remruah dan hi
Kan theihthiam lo a tuardan kan thiam lo
Mitthli thawn lungthin kekkuai in
Bomnak kan dil kan ram damter sal aw.
[Verse 2]
Methal bompuak awn ka thei
Khui in so maw ka hei cuan
Mi tampi mai’ runinn nuam suahsan in;
Ṭih le khur phah le ṭap cingin
Hmun himnak pan in
An feh an tlan lungthin a na ee.
[Verse 3]
Kan ruahsan mi an hlo maw
Thinpit beidong in kan um maw
Kan tonmi harnak ruangah kan vui maw;
Na thinnau hlah beidong hlah
Ralṭha in um aw
Lungawinak ni kan hrang a suak sal ding.
