Khrih Palai
(Lyrics)
Key: C
[Verse 1]
Pathian duhdawtnak Jesuh rundamnak
Thei loin miṭhawng tampi
Hremhmun ah an liam nitin zaantin
Atu zaangfahnak caan tawite kan nei
Thah dingin an hruaimi pawl
Runsuak uh si kan Bawipai thu in pek bangin.
[Chorus]
A petu in siangzet le lungawi in
Thlacamtu in teimak in thlah tuin lungtho te’n
A phuangtu in seherhnak lungtak thawn
Ṭuan usih kan za tein Khrih Palai kan si.
[Verse 2]
Vanmi in Filip ka za lamtluan ih
Khualtlawng pai hnen ah a fial
Bawipai thuthang ṭha sim fiang dingin
Vancungmi pawl in an phuang thei ve lo
Khrih rundamnak thuthang ṭha
Khrih thisen ih rundam mi an si lo ruangah.
[Verse 3]
Rongbawl duh lomi miphun le hnam cu
Hrem loin an luat lo ding
An hloral teh ding Bawipa’n a ti
Thuthangṭha phuangih rongbawitu pawl cu
Van arsi bang kan tleu ding
A caan um lai ah teimak suahin ṭuan usih.
