Thih Hnu Nunnak
(Lyrics)
Key: Bb
[Verse 1]
Thihnak nih hin tilian a kan fanh tawn
Kan hawi dawt tampi zong a liampi tawn hna ee
Kan chungkhar ah kan dawt cukmak mi hna zong nih
Kan sian lo bu in an kan liam tak tawn ee.
[Chorus]
Hawi dawt ni khat khat ah cun
Nangmah le keimah zong nih
Sian lo bu in lei hi kan kaltak te lai
Thihnak cu, Hohmanh nih kan hrial kho lai lo
Kan thih lai caan belte kan hngal kho cio lo
Ralring tein um ko usih.
[Verse 2]
Tlang chokhlei le senri zong nihin an par
Thaizing ahcun a ziam ṭhan ding mi an si ee
Kan nunnak hi pangpar bantuk men khi an si
Chikhat ah a par an ziam ṭhan tawn ee.
[Verse 3]
Cerlian ni zong zinglei ah tlang in a mang
Zaanlei ah cun tlang in a liam ve ṭhan tawn ee
Thlatang pa zong fidi lakah a hung lang i
Zaan khatte ah tlang in a liam ve tawn ee.
[Verse 4]
Maw hawikom dawt lei ah ruahchan ding um lo
I kalpi khawh ding zong zeihmanh kan ngei lo ee
Thih hnu nunnak thlan pin nunnak a kan petu
Bawi Jesuh Khrih ngeih lawng hi kan hnangamnak.
