Nunnak Lam Thluan
(Lyrics)
Key: Bb
[Chorus]
Aw.. nunnak lamthluan hi a fiang lo hawidawt
Thaizing kan nun zei ton lai hngalh lo
Nunnak ngeitu le kan himnak lungpi
Bawipa kutchung lawng thaizing kan nunnak
Himnak a um.
[Verse 1]
Nunnak khual lampi kan zawh lio ah
Awlokchong in khual lam a mui tawn
Chimpit vansang in nunre a thei tawn
Lawmhnak ni ceu dawh cu kawl in
Vawlei fimthiamnak ngeihchiah chawva in
Kan nun hi cawk khawh si lo
Bawipa sindah lo cun.
[Verse 2]
Hawidawt kan nunnak second pakhat hmanh
Ai uk khomi hohmanh kan um lo
Vawlei mifim le doctor thiamsang zong
Zungzal nunnak an caw kho lo
Bawipa hnatlaknak lam hruianak lo cun
Lawmhnak tling hmuh khawh si lo
Hngachanh tlak an um lo.
[Bridge]
Phorhlat pitlak thil vawlei ah an um lo
Hnabei in lengmi minung men kan si hi ruat in
Kan nun lamhruaitu dingah
A fekmi Bawipa thawnnak bochan in
Kan nunlam pehzulh usih.
