An Um Ko Bawipa
(Lyrics)
Key: Eb
[Verse 1]
Ka min in kawh mi hna nih
An lungthin kha an thumh i
Ka hmai kawl in thla an cam ahcun
Van khin ka run theih lai i
An ram cu ka dam ter lai
Bawipa hmai cu kawl usih
Kan ram a dam khawh nak hnga.
[Chorus]
Thlarau mit in kan lairam
A zawtnak a ka hmuhter
Hma le rungin a khah ter
Cu ca’h mitthli he kan ṭap
Damter khotu kan si lo
Thinlung mei bang in alh ee
Damter khotu Bawipa nih
Hnuchit mi maw kan si cang.
[Verse 2]
Dinnak ti bang a zut i
Dawtnak ni bang a liam ee
Hnah chuah en tainak thlichia a hrang
Vawlei mi zong zei hlei lo
Pathian mi zong zei hlei lo
Duhfahnak le hakkauhnak
Chun mui nih a kan zelh dih.
[Verse 3]
Maw Bawipa kan zaangfah ko
Hnuchit in kan kaltak hlah
Baal pathian hmai ah kun lo tein
Na hmai an kawl mi fa le
Dai kil kar ah an um ko
Kan mitthli hi zoh law
Kan ram cu damter ko mu.
[Verse 4]
Kan ram dam an duh ruangah
Vawlei hriam le nam si lo
Ti le rawl lei lo nau nuar bangin
Thlacam hriam le nam putin
Na hmai kawl mi cheukhat cu
An nunnak tiang a dih ee
Bawipa aw kan zaangfah ko.
