Kum Thar Sunglawi
(Lyrics)
Key: E
[Verse 1]
Bawipa’n nitin kan nun lam in hruai
A zaangfahnak lainatnak thawn
Kan hngak kum thar ni sunglawi hi
Hmuak thei dingin damnak in pe;
Pathian kan par ṭhatnak ruangah
Dam ten kum hlun kan thlah liam ee
Nanglawng kan himnak bik na si
Bawipa kan lo thangṭhat ee.
[Chorus]
Kum hlun liam in kum thar
Ni sunglawi nikum thar sungah
Lungawi aipuang tein Bawipa thangṭhat uh
Hmailam zoh in nun hlun
Tanin kum thar sungah
Bawipai sunlawinak hrang
Kan nun hmang uh si.
[Verse 2]
Sunlawih thangṭhat upattlak bik Bawi
A cak bik mi Pathian kan nei
Kum hlun kan harsatnak sungin
Nehnak ni thar sungah kan lut;
Ziangkim ti thei Pathian ṭhatnak
Kan dam sung in aupi ding
Suun zaan kum thar ni sunglawi ah
Lam in Bawipa hlir sin uh.
[Verse 3]
Liamcia kan nun zalam in hruaitu
Danglam dah lo Pathian kan nei
Bawipa lawng hi kan hnangamnak
Rinsantlak le kan himnak bik;
Kum hlun sung ih in hruai bangin
Kum thar sungah lam in hruai aw
Kan ruahsannak a za tein
Bawipa na hnen kan lo hlan.
