Ka Pemh Chin
(Lyrics)
Key: F
[Verse 1]
Lei harnak thlichia tilet le
Zawt le fah ṭihnung phun zakip
Chungin ka nunnak cu na ka ven i
Nihin ni le a tu caan tiang;
Ka phut lo thluachuah phun zakip
Dawtnak in na ka pek thuat i
Hi dirhmun le sining ah na ka chiah
Ka lunglawmhnak mitthli a luang.
[Chorus]
Hnawmpawn le leidip lakin na ka chuah
Hi ka cantawk le sining dirhmun ah
Na ka cawi na ka chiah hi ka ruah ah
Lunglawmhnak in ka khat ee Bawi Jesuh
Ka minung hawi le kom hmaikhap loin a nung
Mi kha maw hi dirhmun ah na ka chiah Bawipa
Ei awk tlak lo kha ei le din awk tlak na ka ser maw Bawipa
Kei ka zaanmang hmanh ah ka manh bal lomi le
Ka chun mang hmanh ah ka ruah bal lo mi hmun ah
Na ka chiah hi ka ruat ṭhan lengmang i
Na dawtnak ka pemh chin.
[Verse 2]
Liam cia ka sining le dirhmun
Nihin ka sining le dirhmun
Thil bang cuai ka thlai tawn ee maw Bawipa
Lunglawmhnak in ka ṭap ruangmang;
Chanhlawm awktlak lo chanhlawmtu
Bawmhlawm awktlak lo bawmhlawmtu
Zeizongte tuanvo na kan lak piak i
Halleluijah Bawipa kai lawm.
[Verse 3]
Ka samfa pakhat te hmanh hi
A ven kho ka si lo nain
Ka nunnak dihlak cu na ka ven i
Vawlei khua caan na ka hmanter;
Zawt le fah dam lo tawn caanah
Ka ca’h siibawi na ka ṭuanpiak
Nihin ni tiang nun damin na ka chiah
Halleuijah Bawipa kai lawm.
[Verse 4]
Hawi le kom sining le dirhmun
Ka phak khawh lo zongah Bawipa
Hlan lio ka sining le dirhmun kha cu
Mengṭam pi na ka lawnh ter cang;
Vui le vai ding ka ngei lo ee
Lawmhbia tu chimawk zat hmanh in
A chim le rel zia hmanh kei ka thiam lo
Halleluijah Bawipa kai lawm.
