Ka Thih Siseh Ka Nun Siseh
(Lyrics)
Key: A
[Verse 1]
Keicu Khrih ah mithar ka si
A man in cawkmi fa ka si
Keimah duh nung ding kasi lo
A thisen in aa ka tlanh cang
Ka ca’h a nunnak kha a pe
Ka ṭuan ko lai ka nunnak nih
A liam hlan chung Bawipa rian cu..
[Chorus]
Ka chim ko lai a dawtnak bia
Mikip nih an theih khawh nak hnga
Chim ding in fial ka si caah
Amah duh ning nung ding ka si
A tu ka nun hi Khrih a si
Ka thih siseh ka nun siseh
ka phuan ko lai a thawngtha bia..
[Verse 2]
Lei cung harsat zawtfahnak le
Thangchiat hmualpho ka ton caanah
kai lawm ko lai Bawipa ruangah
A dawtnak hri in a ka ṭem
Ka zumhmi fiang tein ka hngalh
Zeihmanh nih an kan ṭhen kho lo
Amah thawngin teitu ka si..
[Verse 3]
Zumhnak in van Jerusalem
Thar khi ka hei cuanh ṭhan tikah
Lunglawmhnak mitthli a luang ee
Ka hngah hlang khi ram nuam chungah
Zungzal Bawipa he leng dingin
Sunparnak luchin he a ka
Hngah ti ka hngalh hallelujah..