Sunpar Pek Kan Duh
(Lyrics)
Key: Eb
[Verse 1]
Maw ka Bawipa JEsuh Khrih
Kalzia ka thiam hrimhrim lo ee
Tlukrilhnak nih a tam ṭung
Kei le zaangder mi ka si ṭung
Karhlanzia le ka thiam lo
Cu ca’h hnulei ka tawlh ṭhan tawn
Thlarau ram muichiattertu
Ka si tawn ee Bawipa.
[Chorus]
Bawipa na Thlarau Thiang in
Na fa dawt hi ka dawmhtlai law
Na lunglawmhtertu si in
Na hmai an hngalhtertu na fa
Ka siter hram mu Bawipa
Sualnak thlichia tilet lakah
Sual kawp lo nun ka ngaihter
Na sunparnak caah.
[Verse 2]
Nun dawh ngeih ka duh nain
Keimah te cun ka si kho lo
Holh dawh le biathlum al chim
Ka duh nain ka tlinh kho lo
Ka bawm hram mu Thlarau Thiang
Ka thinlung ruahnak na hmuh dih
Ka nun hmang in nangmah tu
Sunparnak pek kan duh.
[Verse 3]
Nun tahtu nih an tam ṭung
Ka tling hrimhrim lo ee Bawipa
Hnah lawng hringin theih tlai lo
Theipi kung nun aw ka hluan ee
Ka Pa aw na fa kei cu
Na caah saan ka tlai hrim lo
Ka ruah ah ka celh lo ee
Mitthli rial bang zuur ee.
[Verse 4]
Cite bangin va al uh
Na kan ti nain ka tlinh lo
Mei bantuk in va ceu uh
Na kan ti nain ka tlinh lo
Ka lung a dong ee Bawipa
Ka nun ka zoh ah ka fih tuk
Thlarau Thiang in ka bawm law
Ka sersiam ṭhan Bawipa.
