Zaitin Cuainak Ram
(Lyrics)
Key: F#
[Verse 1]
Kan semnak kan lai lungrawn kan chumtual le maw
Runrep lo kan sak thlam le nelrawn,
Cung Pathian nih remh hlei ee, tluang chin ram van hai lo
Nuam hlei ee ti cio hna maw?
[Chorus]
Zaitin cuainak kan ram, perhkhuang tingtang tum in
Khuang le lam he hlorh chin uh, leng le val no nawn rual
Lai thuam phuntling kipin, thuam chin sih semnak kan ram..
[Verse 2]
Hlan lio kan pi le pu hna humhim mi Lairam
Thangthar seino nih kan kilven lai,
Hiam le nam nunnak pekin, an kilkawi mi Lairam
Pupa thisen man kan ram..
[Verse 3]
Laimi phun kan vah vaihnak hmun le ram kipah
Ezipt saltang bang sal nun kan cawng,
Zing niceu dawh thar chuakin, kan semnak kan ram ah
Zingnu aw kan hruai ṭhan ko..
[Verse 4]
Tluang thuk Aan pei ram dangah sal rianṭuan laimi
Lu zeizat maw liam cang hna ka thin,
Chuahpi nupa u le nau, zaa domh manh loin
Rizung mual liam kan tam ee..
[Verse 5]
Muihnak chungin ceunak ah vakvai mi kan si
Kan vawlei le kan chumtual te ah,
Nehbung Khirh cang hna usih, Bawipa pek kan ram ah
Tho law sersiam ṭhan usih..
