Israel Miphun Hna Cu
(Lyrics)
Key: D
[Verse 1]
Israel miphun hna cu
Bawipa nih lam a hruai hna
Sihmanhsehlaw Siria siangpahrang
Nih cun a doh hna
Samara ram chung ahcun
Ei ding awk an har caah
Mangṭam a tlung an hrin mi fa
Tiang in an ei hna.
[Chorus]
Mi nih zei rel lomi
Thinghmui hna hmangin
An ral lei ah cun an va kal
Siria ral an zam
An ngeih sui ngun chawva le
Zeizong vialte kaltak in
An zamtak dih
Thinghmui hna nih
Ṭihnung ral an tei.
[Verse 2]
Zumtu hawi dawt vialte hna
Bawipa nih thim mi kan si
Nifa kan nunnak chungah hin
Ral do mi kan si
Ṭih ding zeihmanh a um lo
Ral teitu Bawipa kan ngei
Kan sung lai lo kan tei ko lai
Kan Bawipa thawngin.
[Verse 3]
Na pawngkam ah mi thonghra
Ral nih in kulh hna hmanhseh
Va ṭih hlah uh zeizong thil ah
Bawipa nih a ti
Khuazei na umnak paoh ah
Keimah nih kan umpi ko
Na thinphang hlah na lungdong hlah
Bawipa nih a ti.
[Ending]
Na thinphang hlah na lungdong hlah
Bawipa nih a ti.
