Lazaruh A Thawhter
(Lyrics)
Key: D
[Verse 1]
Emau kalnak ah lileng ngai in
Khual tlawng pahnih hna cu
An kal lio ah Jesuh nih an hnu in
A rak zulh hna kha an hmuh tikah
Kan sin ah riak ve ko
Tiin Bawi Jesuh cu an sawm i
Jesuh an sin a um.
[Chorus]
Jesuh cu a sawmtu
Mi cu a lanhtak bal lo
Nifa tein kan pawngah a um ko (Kekkuai in)
Lungthin tak tein kan sawm ahcun
A kan lanhtak lai lo
Jesuh sawm in kan sin a um cun
Cucu nunnak a si.
[Verse 2]
Lazaruh a thih lio caan ah khan
Jesuh cu an sawm i
A thi cangmi Lazaruh a thawhter
Thlarau lei in a thimi hna nih
Nunthar kan ngeih nak hnga
Mithi thawhtertu Bawi Jesuh Khrih
Bawipa sawm hna usih.
[Verse 3]
Cana khua nupi thitnak ah khan
Ti kha misur zu ah
Bawi Jesuh nih a thlen i a thlum ṭhan
Amah he cun zeizong a ṭha dih
Thluachuahnak zong a si
Jesuh lo cun hi vawlei ah hin
Bochan ding kan ngei lo.
[Verse 4]
Lungretheih, ngeihchiat, vansan, harnak
Kan ton caan zongah hin
Kan pawng te ah Bawipa a um philh hlah
Kan harnak kha Jesuh chim usih
Amah a sawmtu cu
A kut chungah zeizong a tling dih
Hnangam lawmhnak a si.
